கொய்யாப்பழத் துவையல்
0
தேவையான பொருட்கள்:
கொய்யாப்பழம்(முற்றிய விதைகளற்ற) - ஒரு கப்
பச்சைமிளகாய் - 4
இஞ்சி - சிறு துண்டு
வெங்காயம் - அரைப்பாகம்
உப்பு - தேவையான அளவு
தேங்காய்ப்பூ - 2 கப்
தக்காளிப்பழம் - அரைப்பாகம்
கடுகு - கால் தேக்கரண்டி
சீரகம் - கால் தேக்கரண்டி
கறிவேப்பிலை - சிறிதளவு
தேசிக்காய்சாறு(லெமன் ஜூஸ்) - ஒரு தேக்கரண்டி
எண்ணெய் - தேவையானளவு
செய்முறை:
கொய்யாப்பழம், பச்சைமிளகாய், இஞ்சி, வெங்காயம்(கால்பாதி), உப்பு, தேங்காய்ப்பூ, தக்காளிப்பழம் இவை எல்லாவற்றையும் நன்றாக அரைக்கவும்.
பின்பு ஒரு வாணலியில்(தாச்சியில்)எண்ணெய் விட்டு அது கொதித்ததும் கடுகு, சீரகம், வெங்காயம் (கால்பாதி)போட்டு தாளிக்கவும்.
அரைத்தவைகளுடன், கறிவேப்பிலை, தேசிக்காய்சாறு தாளித்தவைகளையும் சேர்த்து கலக்கவும். அதன் பின்பு பரிமாறவும்.
குறிப்புகள்:
உயிர்சத்து சி நிறைந்த துவையல். கொய்யாப்பழம் அலர்ஜி உள்ளவர்கள் வைத்தியரின் ஆலோசனைப்படி உண்ணவும். இதை சோறு, பாண், இடியப்பம், தோசை, இட்லி இவையாவற்றுடனும் (விருப்பத்திற்கேற்ப) சாப்பிடலாம். (சூடான உணவுடன் சாப்பிட மிக சுவையாக இருக்கும்).