தேவையான பொருட்கள்:

கோதுமைமா (மைதாமா) - 500 கிராம்

உப்பு - தேவையானளவு

பால் - ஒரு மேசைக்கரண்டி

பட்டர் - ஒரு மேசைக்கரண்டி

முட்டை - ஒன்று

கொதிநீர் - தேவையான அளவு

எண்ணெய் - தேவையான அளவு

பெரிய வெங்காயம்(சிறிது சிறிதாக வெட்டியது) - ஒன்று

பச்சைமிளகாய்(சிறிய வட்டமாக வெட்டியது) - 3

கறிவேப்பிலை (சிறிது சிறிதாக வெட்டியது) - சிறிதளவு

செய்முறை:

கோதுமைமா, உப்பு, பால், பட்டர், முட்டை, வெங்காயம், பச்சை மிளகாய், கறிவேப்பிலை ஆகியவற்றை போட்டு கலக்கவும். பின்பு கொதிநீர் விட்டு நன்றாக குழைக்கவும்.

குழைத்த மாவை சிறு உருண்டைகளாக உருட்டவும். சிறு உருண்டைகளில் ஒன்றை எடுத்து வட்டமாக தட்டவும்.

பின்பு அடுப்பில் தோசைக்கல் வைத்து அது சூடானதும் கொஞ்சமாக எண்ணெய் தடவவும்.

அதன் பின்பு வட்டமாக தட்டிய மாவினை போட்டு வேக விடவும். வெந்ததும் அதனை மறுபக்கம் திருப்பி போட்டு வேக விடவும்.

இருபக்கமும் வெந்ததும் சுவையான, மென்மையான (ரொட்டி தயாராகி விடும்) .

இதனைப்போல மற்றைய ரொட்டிகளையும் தயார் செய்து பரிமாறவும் .

குறிப்புகள்:

கறிவேப்பிலைரொட்டி சிறுவர் முதல் பெரியவர்கள் வரை விரும்பி உண்ணுக்கூடியதும் சுவையானதும் கால்சியம், கார்போஹைட்ரேட், மினரல், உயிர்சத்து A,B,C நிறைந்ததும் ஆன ஓரு உணவு. (1)எச்சரிக்கை - இருதய, சர்க்கரை நோயாளிகள் வைத்தியரின் ஆலோசனைப்படி சாப்பிடவும். (2)மாற்று முறை - கொழுப்பு பட்டருக்கு பதிலாக கொழுப்பு குறைந்த பட்டரோ அல்லது எண்ணெய் பாவிக்கலாம். பால்க்கு பதிலாக தயிர் பாவிக்கலாம். (3)கவனிக்க வேண்டிய விஷயங்கள் (அ)ரொட்டி நன்றாக வெந்துவிட்டதா என்பதை கவனிக்கவும், ஒரளவு மிதமான தீயில் வேகவிடவும். பால் பட்டர் , முட்டை ஆகியவற்றை சேர்த்து செய்த ரொட்டி மென்மையாக இருக்கும்.