தேவையான பொருட்கள்:

வேர்க்கடலை - 1/2 கிலோ

சர்க்கரை - 400 கிராம்

பால் - 1 லிட்டர்

ஏலப்பொடி - 1 பின்ச்

நெய் - 4 மேசைக்கரண்டி

செய்முறை:

வேர்க்கடலையை வறுத்து தோல் அகற்றி ஒரு கப் பால் சேர்த்து நன்கு அரைத்துக்கொள்ளவும்.

நாண் ஸ்டிக் கடாயில் மீதமுள்ள பாலை விட்டு அரைத்து விழுதை சேர்த்து கட்டி இல்லாமல் கரைத்துக்கொள்ளவும்.

இதனை அடுப்பில் வைத்து கிளறவும். பாதி அளவு வற்றியதும் சர்க்கரை சேர்க்கவும்.

வற்றி வரும் பொழுது நெய்யை சிறிது சிறிதாக சேர்த்துக் கிளறவும்.

கெட்டியான பதம் வந்ததும் ஏலப்பொடி சேர்த்துக்கிளறி இறக்கி பரிமாறவும்.

குறிப்புகள்:

இதற்கு பருப்புவகைகள், அதிகப்படியான நெய் எதுவும் தேவை இல்லை.

சுலபமாக செய்யக்கூடிய சுவையான அல்வா இது.