தேவையான பொருட்கள்:

பசுமதி அரிசி - 1 1/2 கப்

பேக்கிங் பவுடர் - 1/4 தேக்கரண்டி

ஈஸ்ட் - 1/2 தேக்கரண்டி

இளம்சூடான நீர் - 1/4 கப்

தேங்காய் பால் - 1/2 கப்

பிரவுண் சீனி - 4 மேசைக்கரண்டி

உப்பு - தேவையான அளவு

செய்முறை:

பசுமதி அரிசியை 3 அல்லது 4 மணித்தியாலங்களுக்கு ஊறவிட்டு தோசைக்கு அரைப்பதுபோல் விழுதாக அரைக்கவும்.

இளம்சூடான நீரில் 1 மேசைக்கரண்டி பிரவுண் சீனியைக் கரைத்து அதனுள் ஈஸ்ட்டை போட்டு 10 நிமிடங்களுக்கு வைக்கவும்.

பின்னர் அரைத்த மாவினுள் பேக்கிங் பவுடர், ஈஸ்ட் கரைசல், உப்பு, 1 மேசைக்கரண்டி சீனி என்பவற்றை சேர்த்து குழைத்து (தோசைமா பதத்தில்) 3 அல்லது 4 மணித்தியாலங்களுக்கு புளிக்க விடவும்.

தேங்காய்ப்பாலினுள் மீதமுள்ள சீனியை போட்டு கரைத்து வைக்கவும்.

பின்னர் அப்பச்சட்டியை சூடாக்கி அதில் 1 அல்லது 1 1/2 கரண்டி மாவை ஊற்றி சட்டியை சுழற்றி விட்டு மூடி அரை நிமிடம் வேக விட்டு பின்னர் மூடியைத்திறந்து 2 அல்லது 3 மேசைக்கரண்டி தேங்காய்ப்பாலை அப்பத்தின் நடுவில் பரவலாக ஊற்றி திரும்பவும் மூடி 2 அல்லது 3 நிமிடங்கள் வேக விட்டு எடுத்து பரிமாறவும்.

குறிப்புகள்:

இதனை சூடாக பரிமாறவும்.

இதற்கு பக்க உணவுகள் தேவையில்லை. அப்படியே சாப்பிடலாம்.