தேவையான பொருட்கள்:

மைதா மாவு - 1 கப்

கடலைப் பருப்பு - 1 கப்

வெல்லம் - 1/2 கப்

ஏலக்காய் - 3

சர்க்கரை - 1 தேக்கரண்டி

உப்பு - 1/4 தேக்கரண்டி

எண்ணெய் - 2 தேக்கரண்டி

மஞ்சள் கலர் - சிறிதளவு (தேவையானால்)

நெய் - 1 மேசைக்கரண்டி + 1 மேசைக்கரண்டி

செய்முறை:

முதலில் தேவையான பொருட்களை எடுத்து வைத்து கொள்ளவும். வெல்லத்தினை தூளக்கி கொள்ளவும். ஏலக்காயினை சர்க்கரையுடன் சேர்த்து பொடித்து வைக்கவும்.

கடலைப் பருப்பினை 15 நிமிடம் ஊறவைத்து பின் தண்ணீரில் போட்டு வேகவைக்கவும்.

கடலைப் பருப்பு நன்றாக வெந்த பிறகு தண்ணீரினை வடித்து சிறிது நேரம் காயவிடவும்.

ஒரு நாண் ஸ்டிக் கடாயில் வெல்லத்தினை போட்டு 3 நிமிடம் வைக்கவும்.

ஆறவைத்துள்ள கடலைப்பருப்பினை மிக்ஸியில் போட்டு நன்றாக அரைத்து கொள்ளவும். (தண்ணீர் ஊற்ற கூடாது). இதனை வெல்லத்துடன் சேர்த்து கிளறவும்.

அடிக்கடி சிறிது சிறிதாக நெய்(1 மேசைக் கரண்டி) சேர்த்து வெல்லம் கரையும் வரை கிளறவும். கடைசியில் பொடித்து வைத்துள்ள ஏலக்காயினை சேர்த்து கிளறவும்.

இப்பொழுது ஸ்டஃபிங் ரெடி.

ஒரு பாத்திரத்தில் மைதா மாவு, உப்பு, மஞ்சள் கலர் மற்றும் எண்ணெய் உடன் தேவையான அளவு தண்ணீர் சேர்த்து கொஞ்சம் தளர்வாக பிசைந்து கொள்ளவும்.

இப்பொழுது ஸ்டஃபிங் சிறிது நெய்யினை கையில் தொட்டு கொண்டு சிறிய உருண்டைகளாக பிடித்து வைக்கவும். ஸ்டஃபிங் உருண்டைகளாக அளவு போலவே மைதா மாவில் உருண்டைகள் செய்யவும் மைதா மாவினை சப்பாத்தி உருட்டுவது போல் உருட்டி அதன் நடுவில் ஸ்டஃபிங்கை வைத்து நன்றாக முடி திரும்பவும் உருட்டி கொள்ளவும்.

தோசைக் கல்லினை காயவைத்து அதில் செய்து வைத்துள்ள போளியை போட்டு வேகவிடவும்.

ஒரு பக்கம் நன்றாக வெந்த பிறகு மற்ற பக்கம் திருப்பி போட்டு சிறிது நெய் ஊற்றி வேகவிடவும்.

குறிப்புகள்: