தேவையான பொருட்கள்:

நேந்திரன் பழம் - 2

சீனி - 1/2 கப்

நெய் - 1/4 கப்

ஏலக்காய்ப் பொடி - ஒரு சிட்டிகை

செய்முறை:

தேவையானப் பொருட்களைத் தயாராக எடுத்துக் கொள்ளவும்.

நேந்திரன் பழத்தை பெரிய துண்டுகளாக நறுக்கி, ஆவியில் 5 நிமிடங்கள் வேக வைத்து ஆற வைக்கவும்.

ஆறியதும் மிக்ஸியில் போட்டு கூழாக அரைத்துக் கொள்ளவும்.

பிறகு பழக் கூழை ஒரு நாண் ஸ்டிக் பாத்திரத்தில் போட்டு அடுப்பில் வைத்து கைவிடாமல் 5 நிமிடங்கள் கிளறவும்.

அத்துடன் சர்க்கரை மற்றும் ஏலக்காய்ப் பொடி சேர்த்து மீண்டும் கிளறவும்.

இடையிடையே நெய் சேர்த்து கலந்து நன்கு கிளறவும்.

கலவை நன்கு கெட்டியாகி ஓரங்களில் ஒட்டாமல் வரும் போது அடுப்பிலிருந்து இறக்கி, நெய் தடவிய தட்டில் போட்டு துண்டுகள் போடவும்.

சுவையான நேந்திரன் பழ அல்வா தயார்.

குறிப்புகள்:

நேந்திரன் பழம் இல்லாதவர்கள் சாதாரண வாழைப் பழத்தை வேக வைக்காமல் கூழாக்கி இது போன்று செய்யலாம்.

அவரவர் விருப்பத்திற்கேற்ப நெய்யையும், சர்க்கரையையும் அதிகமாகச் சேர்த்துக் கொள்ளலாம்.