தேவையான பொருட்கள்:

தேங்காய் துருவல் - 1 1/2 கப்

பச்சரிசி - 1/4 கப்

வெல்லம் - 1/4 கிலோ

ஏலக்காய் - 4

முந்திரி - 6

திராட்சை - 10

நெய் - 2 தேக்கரண்டி

உப்பு - அரை தேக்கரண்டி

செய்முறை:

முதலில் வெல்லத்தை நுணுக்கி வைத்துக் கொள்ளவும். ஏலக்காயை பொடி செய்து வைத்துக் கொள்ளவும். பச்சரிசியை கழுவி, 15 நிமிடம் ஊற வைக்கவும்.

ஊற வைத்த அரிசி மற்றும் தேங்காய் துருவலை மிக்ஸியில் போட்டு அரை கப் தண்ணீர் ஊற்றி நைசாக அரைத்து எடுத்துக் கொள்ளவும்.

ஒரு பாத்திரத்தில் 5 கப் தண்ணீர் ஊற்றி கொதிக்க வைக்கவும்.

தண்ணீர் கொதித்ததும் அதில் அரைத்த தேங்காய் விழுதைப் போட்டு உப்பு சேர்த்து 5 நிமிடம் கிளறி கொண்டே இருக்கவும்.

அதனுடன் பொடி செய்து வைத்திருக்கும் வெல்லம், ஏலக்காய் தூள் சேர்த்து வெல்லம் கரையும் வரை 3 நிமிடம் கிளறவும்.

வாணலியில் நெய் ஊற்றி முந்திரி, திராட்சை இரண்டையும் போட்டு ஒரு நிமிடம் வறுத்துக் கொள்ளவும்.

பாயாசம் பொங்கி வந்ததும் வறுத்த முந்திரி பருப்பை போட்டு இறக்கி பரிமாறவும்.

குறிப்புகள்: