தேவையான பொருட்கள்:

ரவா - 1/2 கப்

மைதா - 1 1/2 கப்

முட்டை - 2

ஏலக்காய் - 3

சீனி - 1/2 கப்

டால்டா - 1/2 கப்

எண்ணெய் - 1 கப்

உப்பு - 1/4 தேக்கரண்டி

செய்முறை:

ஏலக்காயைப் பொடித்துக் கொள்ளவும். டால்டாவை உருக்கி கொள்ளவும்.

ஒரு பாத்திரத்தில் ரவா, மைதா இரண்டையும் சலித்து கொட்டவும்.

அதில் முட்டைகளை உடைத்து ஊற்றவும். அதிலேயே சீனி, உருக்கின டால்டா, உப்பு, பொடித்த ஏலக்காய் அனைத்தையும் சேர்க்கவும்.

பின்னர் அவை அனைத்தையும் ஒன்றாய் சேர்த்து நன்கு பிசைந்து, சப்பாத்தி மாவு பதத்திற்கு கொண்டு வரவும்.

ஒரு தட்டை திருப்பிப் போட்டு, பிசைந்த மாவு உருண்டையை அதில் வைத்து தட்டையாக தட்டிக் கொள்ளவும்.

பின்னர் அதை கத்தியால் டைமண்ட் வடிவில் சிறு சிறு வில்லைகளாக வெட்டிக் கொள்ளவும்.

வாணலியில் எண்ணெய் ஊற்றி காய்ந்ததும் வெட்டி வைத்த வில்லைகளை எண்ணெயில் போட்டு பொரித்து எடுக்கவும்.

பொன்னிறமாக வெந்தவுடன் எடுத்து ஆறவிட்டு சாப்பிடவும்.

குறிப்புகள்:

இந்த கேக் மிகவும் மொறுமொறுப்பாக இருக்கக் கூடாது.