தேவையான பொருட்கள்:

ஜவ்வரிசி - 1 கப்

சர்க்கரை - 1 கப்

பிஸ்தா - தேவைக்கு

நெய் - 1 தேக்கரண்டி

ஃபுட் கலர் - ஒரு சிட்டிகை

செய்முறை:

ஜவ்வரிசியை கழுவி 2 மணி நேரம் ஊற வைத்து பின் கொதிக்கும் நீரில் போட்டு பாதி வேக விட்டு வடிகட்டி வைக்கவும்.

இப்போது 2 கப் நீரில் சர்க்கரை சேர்த்து கரைத்து கொதிக்க விடவும்.

கொதித்ததும் ஃபுட் கலர் சேர்த்து பாதி வெந்த ஜவ்வரிசியை சேர்த்து வேக விடவும். அடிக்கடி பாத்திரத்தில் ஒட்டி விடாமல் கிளறி விடவும்.

ஜவ்வரிசி முழுவதும் வெந்து கண்ணாடி போல் ஆனதும் அரை தேக்கரண்டி நெய் சேர்த்து அல்வா பதம் வந்ததும் நெய் தடவிய பாத்திரத்தில் கொட்டி மேலே பொடியாக நறுக்கிய பிஸ்தா தூவி ஆற விடவும்.

ஆறியதும் சிறிது நேரம் ஃப்ரிட்ஜில் வைத்து எடுத்து துண்டுகளாக்கவும்.

குறிப்புகள்:

விரும்பினால் செய்யும் போதே கொஞ்சம் நட்ஸ் வகை பொடியாக நறுக்கி சேர்க்கலாம்.