தேவையான பொருட்கள்:

பீட்ரூட் துருவல் - 2 கப்

கேரட் துருவல் - 2 கப்

சீனி - 2 கப்

பால் - 1 கப்

நெய் - 1/4 கப்

எண்ணெய் - 1/4 கப்

முந்திரி - அலங்கரிக்க

செய்முறை:

கேரட் துருவல், பீட்ரூட் துருவல் மற்றும் தேவையான மற்ற பொருட்களையும் தயாராக எடுத்துக் கொள்ளவும்.

குக்கரில் பீட்ரூட் துருவல் மற்றும் கேரட் துருவலை போட்டு வேகுமளவு(ஒரு கப்) தண்ணீர் ஊற்றி 3 விசில் வரும் வரை வேக விடவும்.

வெந்ததும் திறந்து ஆவி வெளியேறியதும் எடுத்து உடனே வடிகட்டவும். வடிநீரை சூப்பிற்கு பயன்படுத்தலாம்.

வாணலியில் ஒரு மேசைக்கரண்டி நெய் ஊற்றி முந்திரியை வறுத்தெடுக்கவும்.

பிறகு முந்திரி வறுத்த நெய்யுடன் தண்ணீர் வடிகட்டின துருவலை சேர்த்து அதனுடன் ஒரு கப் பாலை ஊற்றி மிதமான தீயில் வைத்து வேக விடவும். இடையிடையே கிளறி விடவும்.

பால் முழுவதும் வற்றியதும் அதில் சீனியை கொட்டி நன்கு கிளறி விடவும்.

மீதிமுள்ள நெய் மற்றும் எண்ணெயை இடையிடையே ஊற்றி நன்கு கெட்டியாகி சுருண்டு வரும் வரை கிளறவும்.

நெய் தடவிய கிண்ணத்தில் கொட்டி முந்திரித்துண்டுகள் போட்டு அலங்கரிக்கவும்.

குறிப்புகள்: