தேவையான பொருட்கள்:

கடல் பாசி - 1 கப்

பால் - 500 மில்லி

சீனி - தேவையான அளவு

பொடியாக நறுக்கிய நட்ஸ் - 1 தேக்கரண்டி

பொடி செய்த ஏலக்காய் - 1/4 தேக்கரண்டி

நெய் - 1 தேக்கரண்டி

குங்குமப் பூ - ஒரு சிட்டிகை

செய்முறை:

பாலுடன் ஏலக்காய்ப் பொடி மற்றும் குங்குமப் பூ சேர்த்து நன்கு கொதிக்க வைக்கவும்.

கடல் பாசியுடன் 2 கப் வெந்நீர் சேர்த்து மைக்ரோவேவில் 2 நிமிடங்கள் வைத்தெடுத்து ஆறவிடவும்.

ஆறியதும் சிறிய கத்தி அல்லது ஃபோர்க் கொண்டு நன்கு கிளறிவிட்டு, கடல் பாசியை உதிர்த்துக் கொள்ளவும்.

கொதிக்க வைத்த பாலுடன் உதிர்த்த கடல் பாசி மற்றும் சீனி சேர்த்து 2 நிமிடங்கள் அடுப்பில் வைத்திருக்கவும்.

அத்துடன் நெய்யில் வறுத்த நட்ஸ் தூவி இறக்கி பரிமாறவும்.

குறிப்புகள்:

இதே முறையில் கடல் பாசி சேர்க்காமல் நுங்குத் துண்டுகள் சேர்த்தும் செய்யலாம்.

பாலுக்குப் பதிலாக கன்டண்ஸ்ட் மில்க் சேர்த்தும் செய்யலாம்.