தேவையான பொருட்கள்:

கோழி கறி - 1/2 கிலோ

பெரிய வெங்காயம் - 1

தக்காளி - 3

பூண்டு - 5 பல்

இஞ்சி பூண்டு விழுது - 1 மேசைக்கரண்டி

வரமிளகாய் - 2

கறிவேப்பிலை - 5 இதழ்

மல்லித் தழை - சிறிது

சோம்பு - 1 மேசைக்கரண்டி

மிளகாய் தூள் - 1 மேசைக்கரண்டி

மல்லித் தூள் - 1 மேசைக்கரண்டி

மிளகு தூள் - 1/2 மேசைக்கரண்டி

மஞ்சள் தூள் - 1/2 மேசைக்கரண்டி

கடுகு - சிறிது

எண்ணெய் - தாளிக்க

உப்பு - தேவையான அளவு

செய்முறை:

முதலில் சிக்கனை கழுவி மஞ்சள் தூள் மற்றும் உப்பு சிறிது சேர்த்து வைக்கவும்.

பெரிய வெங்காயத்தை நீளமாக நறுக்கவும்.

பூண்டு மற்றும் தக்காளியை பொடியாக நறுக்கவும். கறிவேப்பிலை மற்றும் வரமிளகாயை கிள்ளி வைத்துக் கொள்ளவும்.

ஒரு கடாயில் எண்ணெய் ஊற்றி காய்ந்ததும் கடுகு, சோம்பு, கறிவேப்பிலை மற்றும் வரமிளகாயை போட்டு தாளிக்கவும்.

பின் பூண்டு மற்றும் வெங்காயத்தை சிறிது உப்பு சேர்த்து பொன்னிறமாக வதக்கவும்.

வெங்காயம் வதங்கிய பின் இஞ்சி பூண்டு விழுதை சேர்த்து பச்சை வாசம் போகும்படி வதக்கி தக்காளியை சேர்த்து குழையும் வரை வதக்கவும்.

பின் ஊற வைத்துள்ள கோழிக் கறியை சேர்த்து நன்கு பிரட்டி 5 நிமிடம் வேக விடவும்.

பின்பு மிளகுத் தூள் தவிர கொடுத்துள்ள மற்ற தூள் வகைகளை தேவையான உப்புடன் சேர்த்து நன்கு கிளறி மூடி வைக்கவும்.

எண்ணெய் பிரிந்து வரும் நிலையில் மிளகு தூளை சேர்த்து மல்லித் தழையையும் போட்டு கிளறி 2 நிமிடம் வேக விட்டு பரிமாறவும்.

குறிப்புகள்:

பட்டை, கிராம்பு, ஏலக்காய் சேர்க்காமல் எளிதான சுவையான குறிப்பு.

இறக்கிய பின் விரும்பினால் தேங்காய் துருவல் சிறிது சேர்க்கலாம்.